News Georgia-ի փոխանցմամբ՝ Վրաստանի նախագահ Միխեիլ Սաակաշվիլին այսօր Ստրասբուրգում հանդիպել է Եվրոպայի խորհրդի գլխավոր քարտուղար Թյորբորն Յագլանդի հետ: Այս մասին հայտնել է նախագահի աշխատակազմի մամուլի ծառայությունը:
Վերջինիս հաղորդմամբ՝ հանդիպման ժամանակ Սաակաշվիլին ու Յագլանդը քննարկել են Վրաստանի ընթացիկ քաղաքական գործընթացները և Վրաստանում իրականացվող բարեփոխումների հարցերը:
Յագլանդն «արդար և ժողովրդավարական» է որակել հոկտեմբերին 1-ին Վրաստանում խորհրդարանական ընտրությունների անցկացումը՝ ուշադրություն հրավիրելով Վրաստանի իշխանական ճյուղերի միջև համագործակցության վրա, ինչը նրա խոսքերով՝ ունի վիթխարի նշանակություն եվրաատլանտյան կառույցներին Վրաստանի ինտեգրման ճանապարհին:
Բացի այդ, հանդիպման ժամանակ կողմերը ցանկություն են հայտնել, որ ԵԽ-ն ակտիվացնի Վրաստանի ընթացիկ քաղաքական գործընթացներում իր դերակատարությունը: Կողմերը քննարկել են նաև ռուս-վրացական հարաբերությունների կարգավորման հարցը:
