Համացանցում հայտնվել են Անջելինա Ջոլիի և Բրեդ Փիթի համատեղ «Ծովի մոտ» ֆիլմի առաջին կադրերը, գրում է Spletnik.ru-ն:
Դերասանները պաշտոնապես օրինականացրել են իրենց հարաբերությունները օգոստոսի 23-ին և որոշել են մեղրամիսը համատեղել ֆիլմի նկարահանումների հետ Մալթայում:
Հայտնի է դարձել նաև ֆիլմի սյուժեի որոշ մանրամասներ: Գործողությունները իրականացվում են 1970-ականների Ֆրանսիայում: Ջոլիի հերոսուհին Վանեսսա անունով պարուհի է, իսկ Փիթի հերոսը՝ ամերիկացի գրող:
Մի գեղեցիկ օր ամուսինները ճանապարհորդության են մեկնել, որի ընթացքում հեռացել են միմյանցից, սակայն մնալով լողափնյա քաղաքում, նրանք սկսել են հետաքրքրվել քաղաքի վառ բնակիչներով…
Անջելինան ոչ միայն ֆիլմի գլխավոր հերոսուհին է, այլև հանդես է գալիս որպես ռեժիսոր, սցենարիստ և համապրոդյուսեր, որի արդյունքում այս ֆիլմում նրա հոնորարը կգերազանցի ամուսնու հոնորարը:
