ԱՄՆ Վաշինգտոն նահանգի ոստիկանությունը անցկացնում է հետաքննություն անկոչ հյուրի կողմից տղամարդու սեռական անձեռնմխելիության վրա հարձակման փաստի առնչությամբ:
Բռնաբարության համար մեղադրվում է Սիեթլի երիտասարդ ամերիկուհիներից մեկը, որը տառապում է թմրամոլությամբ, դրա հետ մեկտեղ՝ պատրաստվում է մայրանալ:
Բռնաբարության մասին բողոքը ստացվել է 31-ամյա տղամարդու կողմից, ընդ որում՝ հանցագործությունը կատարվել է դեռ 2013թ. հունիսին, գրում է The Daily Mail-ը:
Տղամարդը ճանաչել է 26-ամյա Չանտե Ջիլմանին, որն իր հարևանի ծանոթն է եղել:
Տուժածի խոսքով՝ ինքն այդ օրը եղել է հարևանի ծննդյան երեկույթին, իսկ հետո գնացել է իր տուն ու խոր քուն մտել:
Մոտավորապես ժ. 2:00-ին նա արթնացել է այն բանից, որ Չանգեն նստել է իր վրա ու սեռական ակտ է կատարում: Աղջիկը չի արձագանքել իրեն հանգիստ թողնելու խնդրանքին: Ի Վերջո, նա կարողացել է դուրս պրծնել ավելի քան 100 կգ կշռող կնոջ տակից ու դուրս է վռնդել անկոչ հյուրին, ապա գնացել է հիվանդանոց՝ բժշկական զննություն անցնելու:
ԴՆԹ-ների փորձաքննությունը հաստատել է, որ նա սեքս է արել կնոջ հետ, գրում է The Seattle Post-Intelligencer-ը:
Ձերբակալությունից հետո կինը չի կարողացել հիշել՝ ինչ է կատարվել այդ օրը:
2014թ. սեպտեմբերի 8-ին նրան սեքսուալ ոտնձգության մեղադրանք են առաջադրել՝ անօգնական վիճակում գտնվող տղամարդու հանդեպ: Ոստիկանությունում հայտնել են, որ չնայած ծիծաղելի մեղադրանքին՝ կնոջը պատասխանատվության կենթարկեն:
http://youtu.be/viGAV1mcBbQ
