«Իսլամական պետություն» ահաբեկչական խմբավորումը սպառնալիք է ամբողջ Մերձավոր Արևելքի համար: Այս մասին հայտարարել է Ֆրանսիայի նախագահ Ֆրանսուա Օլանդը՝ բացելով Փարիզում Իրաքի հարցով միջազգային համաժողովը:
Նրա խոսքով՝ խմբավորումը գործում է ոչ միայն Իրաքում, այլև Սիրիայում: «Այսպիսով նրանք սպառնալիք են ամբողջ Մերձավոր Արևելքի համար, այդ իսկ պատճառով պատասխանը պետք է գլոբալ լինի: Այս մասին փոխանցում է ITAR-TASS-ը:
Օլանդի խոսքով՝ Իրաքն առաջին հերթին մարդասիրական օգնության կարիք ունի: Նա հիշեցրել է, որ երկրում հաշվվում է ավելի քան 2 մլն փախստական և տեղահանված անձ: «Սակայն միևնույն ժամանակ Իրաքը նաև ռազմական աջակցության կարիք ունի»,- հավելել է ֆրանսիացի առաջնորդը:
Միևնույն ժամանակ, Ֆրանսիայի պաշտպանության նախարար Ժան-Իվ Լե Դրիանը, որն այցով գտնվում է ԱՄԷ-ում, հայտնել է, որ Իրաքում «Իսլամական պետության» դիրքերի վրա ֆրանսիական ավիացիայի հետախուզական թռիչքները կսկսվեն օրվա ընթացքում:
Նրա խոսքով՝ իրենք գործում են համապատասխան համաձայնագրի, որը ձեռք է բերվել էմիրություների և իրաքյան իշխանությունների հետ:
