Միանգամից մի քանի ականավոր հանրապետականներ ԱՄՆ նախագահ Բարաք Օբամայի վարչակազմին կոչ են արել Իրաքում և Սիրիայում գործող «Իսլամական պետություն» ահաբեկչական խմբավորման դեմ անցկացնել ցամաքային գործողություն:
Հանրապետական սենատոր Լինդսի Գրեմը հայտարարել է, որ եթե հիմա չկանգնեցնեն խմբավորմանը, վերջնարդյունքում այն կհարձակվի ԱՄՆ-ի վրա: «Նրանք պատրաստվում են այստեղ գալ: «Իսլամական պետությունը» ոչնչացնելու համար անհրաժեշտ է սպանել կամ պատանդել նրա առաջնորդներին: Նախագահը պետք է շտապ միջոցառումներ ձեռնարկի: Դա ոչ միայն նրանց (Իրաքի և Սիրիայի) պայքարն է, այլև մեր»,- նշել է Գրեմը Fox News-ին տված հարցազրույցւոմ:
Համանման տեսակետ է արտահայտել Ջեյմս Բեյքերը, ով պետքարտուղարի պաշտոնն է զբաղեցրել Ջորջ-Բուշ ավագի վարչակազմում: «Ես չեմ ասում, որ պետք է նոր պատերազմ սանձազերծել Մերձավոր Արևելքում: Սակայն մենք չենք կարող հաղթել «Իսլամական պետությանը» առանց ցամաքային զորքերի որոշակի քանակության»,- հայտարարել է Բեյքերը NBC-ին տված հարցազրույցում:
Կիրակի պետքարտուղար Ջոն Քերին հաստատել էր, որ ԱՄՆ-ը չի ծրագրում իսլամիստների դեմ օպերացիայում կիրառել իր ցամաքային զորքերը:
