Ադամ Լանզայի ընտանիքի՝ դպրոցում սպանդ կազմակերպած երիտասարդի մտերիմները պնդում են, որ նրա մայրը՝ Նենսին, զենք էր ձեռք բերել՝ համաշխարհային անխուսափելի աղետին դիմավորելու համար` հաղորդում է lifenews.ru-ն:
52-ամյա Նենսի Լանզան՝ ԱՄՆ-ի Նյութաուն քաղաքի դպրոցում արյունալի սպանդ կազմակերպած երիտասարդի մայրը, եղել է մոտեցող աշխարհի վերջը դիմավորող խմբի անդամներից մեկը:
Լանզա ընտանիքի մտերիմները հաստատել են, որ կինը ամբողջությամբ տարված է եղել համաշխարհային աղետի պայմաններում ողջ մնալու գաղափարով: Աղետի սպասման ակնկալիքով նա իր տունը վերածել էր իսկական ամրոցի:
«Նա պահեստավորել էր ամեն ինչ: Առաջին հերթին` սնունդ ու այլ անհրաժեշտ իրեր, ինչպես նաև զենք: Անձամբ նա մեծացել է Նյու Հեմփշիր նահանգի ֆերմայում ու հրաշալի կարողացել է զենքից օգտվել: Նենսին այն պահում էր ինքնապաշտպանության համար»,- պատմել է նրա նախկին հարսը` Մաշան:
Իրեն ու իր երեխաներին պաշտպանելու ցանկությունը կնոջ մոտ առաջացել էր ամուսնու՝ Փիթեր Լանզայի հետ ամուսնալուծությունից հետո` 1998թ.-ին:
Մարշա Լանզայի խոսքով՝ միայնակ մայրը երբեք զենքն անուշադրության չի մատնել, սակայն դրա գոյության փաստը նաև գաղտնիք չի դարձրել:
Նենսի Լանզայի այգեպան Դեն Հոլմսն էլ իր հերթին պատմել է, որ նրան դուր է եկել վստահության զգացումը, որը նրան պարուրել է թիրախի վրա կրակելիս:
Հոլմսը պատմել է, որ կինը խստորեն պահպանել է իր տունը անծանոթ մարդկանցից ու երբեք նրանց ներս չի թողել:
Ողբերգության օրը 20-ամյա Ադամ Լանզան կրակել է իր մորը նրա սեփական ննջարանում, ապա գնացել «Սենդի Հուկ» դպրոց, որտեղ հասցրել է գնդակահարել 20 երեխայի ու 6 ուսուցչի, իսկ հետո ինքնասպան է եղել:
