Արդեն մի քանի օր է՝ ակտիվորեն հատվում են Աշտարակ քաղաքի Վարդգես Պետրոսյան փողոցի հաստաբուն ծառերը՝ ճանապարհի երթևեկելի հատվածը լայնացնելու պատճառաբանությամբ: Բնակիչների բողոքներն անպատասխան են մնում:
«Արդեն քանի օր ա՝ դրուժբան դրած՝ ծառերը կտրում թափում են: էն էլ հասարակ ծառեր չեն, 15-20 տարվա թթի, պոպոկի ու այլ բերքատու ծառեր: Չենք հասկանում՝ մինչև էդ ինչի ծառերը ոչ մեկին չէին խանգարում, իսկ հիմա հանկարծ սկսեցին խանգարել: Մանավանդ որ էս ճանապարհը միջպետական, միջքաղաքային ճանապարհ չի: Սովորական քաղաքի միջի, սովորական ճանապարհ ա, որի նեղությունից երբեք ոչ մեկը չի բողոքել»,- «Առաջին լրատվական»-ի հետ զրույցում դժգոհեցին աշտարակցիները:
Ճանապարհը նորոգող բանվորներն էլ չեն կարողանում պատասխանել աշտարակցիների հարցերին: «Ոչինչ չենք կարող ասել, քաղաքապետարանի հրահանգն է՝ լայնացնել ճանապարհը, մենք ոչ մի բան չենք կարող անել: Մենք մեր գործն ենք անում»:
Քաղաքապետարանից ծառերի հատման վերաբերյալ այդպես էլ մեկնաբանություն ստանալ չհաջողվեց: Բոլոր հեռախոսները լռում էին: Հոսով ենք՝ պատկան մարմիններն այս լուսանկարների հրապարակումից հետո կզբաղվեն հարցով:
