94-ամյա ճապոնացին, որը իր թաղման խնայողությունները օգտագործել է խորհրդարանական ընտրություններին մասնակցելու նպատակով, պարտվել է: Ինչպես հայտնում է Agence France-Presse-ը, Ռյոկիտի Կավասիման իր պարտությունից վշտացած չէ, քանի որ «սամուրայը չպետք է կառչի փողերին, որքան էլ քաղցած լինի»:
Գումարի բացակայությունը նախկին թեկնածուին չի վշտացնում նաև թաղման ծախսերը հոգալու առումով. նա համաձայն է մեռնել Ֆուձի լեռան անտառում և պարզապես «հող դառնալ»:
Կավասիման խորհրդարանական ընտրություններում իր թեկնածությունը դրել էր Տոկիոյից հյուսիս գտնվող Սայտամա քաղաքից և որպես նախընտրական գրավ վճարել 3 մլն իեն (35.7 հազար դոլար):
Չնայած ջանքերին` Երկրորդ համաշխարհային պատերազմի վետերանը չի կարողացել հավաքել անհրաժեշտ 10 տոկոս ձայնը:
Դեկտեմբերի 16-ին տեղի ունեցած ընտրություններում հաղթել է պահպանողական Լիբերալ-դեմոկրատական կուսակցությունը՝ երկրի նախկին վարչապետ Սինդաո Աբեի գլխավորությամբ:
