«Այդ դեպքերից անցել է 10 տարի: Մանրամասները ես չեմ հիշում: Ցանկացած քաղաքացու խնդիրն է իր ձևով պայքարել իր իսկ մտածած օրինականության համար և անօրինականության դեմ:
Ես Գրիշա Վիրաբյանի հետ կապված որևիցե խնդիր չեմ տեսնում և կարծում եմ, որ տվյալ անձը պարզապես պաշտոնյայի անունն անվանարկելով՝ ցանկանում է դիվիդենդներ ձեռք բերել»,- ասաց Երևանի ոստիկանապետ Աշոտ Կարապետյանը՝ պատասխանելով «Առաջին լրատվական»-ի հարցին, թե ինչպես է գնահատում Գրիշա Վիրաբյանի վերաբերյալ քրեական գործի վերաբացումը, որում ներգրավված է նաև ինքը, իսկ Գրիշա Վիրաբյանի պնդմամբ՝ հենց Աշոտ Կարապետյանն է խոշտանգել իրեն:
«Ինչ վերաբերում է Գրիշա Վիրաբյանին տեսնելուն, առերեսվելուն, ապա ժամանակին ես այդ քրեական գործով նրա հետ առերեսվել եմ և ինչքանով որ հիշում եմ՝ նա այդ ժամանակ իմ հարցերին չէր կարողանում պատասխանել: Բայց ես պատրաստ եմ դատարանի առջև կանգնելու ցանկացած վճռի պարագայում. մենք շարժվում ենք Հայաստանի Հանրապետության օրենքներով, և ես դատարանի կայացրած ցանկացած որոշման հետ համաձայն եմ:
Միևնույն ժամանակ ես ընդհանրապես Գրիշա Վիրաբյանով չեմ հետաքրքրվում, ես ունեմ ծանր աշխատանք և այլ երկրի քաղաքացու վերաբերյալ ձեր հարցերին չեմ կարող պատասխանել»,- հավելեց Երևանի ոստիկանապետը:
Մանրամասները՝ տեսանյութում:
