Գարեգին Նժդեհի եղբոր դստերը՝ Էմմա Սահակյանին, ամեն հինգշաբթի կարելի է տեսնել կառավարության մոտ ակցիա անելիս: Օրբելի փողոցի 8-րդ շենքի 73 բնակարանում քրոջ հետ երկար տարիներ ապրել է, սակայն քրոջ մահից հետո Էմմա Սահակյանի մյուս քրոջ աղջիկը՝ Սուսաննա Մարգարյանը, բնակարանից հանել է մորաքրոջը, գողացել նրա ողջ ունեցվածքն ու փաստաթղթերը: Իր ցուցապաստառում Էմմա Սահակյանը նշում է, որ ուզում է ապրել իր երկրում, սակայն որ ատյանին դիմում է խնդրով, ոչ մի արձագանք: Միայն նախագահի նստավայրից նրան առաջարկել են տանել ծերանոց, սակայն Էմմա Սահակյանը շարունակում է պահանջը և չի պատրաստվում ծերանոց գնալ: Ի դեպ, քրոջ դուստրը արդեն հասցրել է վաճառել բնակարանը:
Պատասխանում են, որ հանցակազմ չկա: «50-60 հազար դոլարի իրեր տարել են, բայց որոշման մեջ հանցակազմ չկա»,-հավելեց նա: Էմմա Սահակյանը պահանջում է նոր քննության անցկացում: «Երկու տարի երեք ամիս նստացույց եմ անում նախագահի նստավայրի մոտ, բայց ոչ մի արձագանք»,- ասաց նա:
Ավելին՝ տեսանյութում:
