Վատիկանը միացել է թերահավատներին, ովքեր կոչ են անում բոլոր երկրների քաղաքացիներին պահպանել հանգստություն և չվախենալ աշխարհի վերջից:
Վատիկանի գլխավոր աստղագետ Ջոուզ Ֆյունսը, ով հետևում է տիեզերքում կատարվող բոլոր իրադարձություններին, լիովին հերքել է աշխարհի վերջի մասին լուրերը` հայտարարելով, որ մեր մոլորակն անվտանգության մեջ է:
Նա նշել է, որ տիեզերքն անընդհատ ընդլայնվում է, և դա որոշ մարդկանց մոտ մտավախություն է առաջացնում, թե այն կկործանվի: Նա նաև նշել է, որ դա չպետք է անհանգստացնի իրական քրիստոնյաներին, քանի որ մահը դեռ վերջ չէ:
Ըստ մայաների օրացույցի՝ աշխարհի վերջը կլինի 2012 թ. դեկտեմբերի 21-ին: Ավելի վաղ տեղեկություն էր հայտնվել ֆրանսիական Բուրգաշ լեռան վերաբերյալ: Ասվում էր, որ դեկտեմբերի 21-ին այստեղ իջնելու են այլմոլորակայիններ, որպեսզի իրենց հետ տանեն նրանց, ովքեր ցանկանում են ապրել, սակայն լեռան գագաթը կարող են բարձրանալ սահմանափակ թվով մարդիկ: Որոշ տեղեկությունների համաձայն՝ լեռան գագաթին հայտնվել ցանկացողների թիվը հասնում է 100 հազարի:
