Ռուսաստանի նախագահի մամլո խոսնակ Դմիտրի Պեսկովը հայտարարել է, որ Վլադիմիր Պուտինն ու Պյոտոր Պորոշենկոն չեն պայմանավորվել կրակի դադարեցման մասին՝ հաղորդել է RIA Novosti-ն:
Պեսկովն ընդգծել է, որ Ռուսաստանը հակամարտության կողմ չէ:
«Պուտինն ու Պորոշենկոն իսկապես քննարկել են այն բոլոր քայլերը, որոնք կնպաստեին ընդդիմադիրների և ուկրաինական ուժայինների միջև բախումները դադարեցնելուն: Ռուսաստանը չի կարող հրադադար մասին պայմանավորվել, քանի որ հակամարտության կողմ չէ»,-հայտարարել է Պեսկովը:
Պորոշենկոյի կայքում նշվում էր, որ երկրի ղեկավարների բանակցությունների ընթացքում համաձայնություն էր ձեռք բերվել կրակի դադարեցման վերաբերյալ:
