Օգոստոսի 28-ին արևմտյան ԶԼՄ-ները հայտնել են ուրախալի ու երկար սպասված իրադարձության մասին. ամենահայտնի հոլիվուդյան զույգերից մեկը՝ Բրեդ Փիթն ու Անջելինա Ջոլին 9 տարվա համատեղ կյանքից հետո պաշտոնապես ամուսնացել են:
Նրանց ամուսնությունը տեղի է ունեցել Ֆրանսիայում՝ Միրավլ առանձնատանը, որը ամուսինները գնել էին դեռ 2008-ին: Կարճատև հանգստից հետո նրանք գնացել էին Մալթա, ապա ձեռնամուխ եղել նոր համատեղ ֆիլմի նկարահանումներին:
Սակայն, ինչպես պարզվել է, ամեն ինչ այդքան է; պարզ չէ այդ իրավիճակում: Ամերիկացի լրագրողները գրում են, որ ԱՄՆ իշխանությունները կարող են չճանաչել այդ միությունը: Բանն այն է, որ զույգը ամուսնության լիցենզիա է ստացել Կալիֆոռնիայւմ: Ամերիկյան օրենքների համաձայն՝ նրանք պետք է ամուսնանային նահանգի տարածքում՝ լիցենզիայի ստացումից հետո 90 օրվա ընթացքում:
Սակայն նրանք ամուսնացել են Ֆրանսիայում, որտեղ թեև ներկա է եղել ամերիկացի դատավոր, սակայն նա ուներ ամուսնացնելու լիազորություն միայն Կալիֆոռնիայում՝ գրում է USA Today-ը:
Փիթի ներկայացուցիչը, սակայն, նշել է, որ դերասանը ամուսնացել է Կալիֆոռնիայի օրենքների համաձայն: Այդ իսկ պատճառով լրագրողները չեն բացառում, որ իրականում դերասանները 2 հարսանիք են արել՝ ամուսնացել են Կալիֆոռնիայում, իսկ հանդիսությունը կատարել Ֆրանսիայում:
