Արևելքում ՆԱՏՕ-ի առաջնային օպերատիվ բազաների քանակը, ինչպես նաև տարածաշրջանում ռոտացիոն հիմունքներով գտնվող խմբի անդամների քանակը, կհստակեցվեն Ուելսում կայանալիք ՆԱՏՕ-ի գագաթնաժողովից հետո: Այս մասին գրում է RIA Novosti-ն` վկայակոչելով ՆԱՏՕ-ի գլխավոր քարտուղար Անդերս Ֆոգ Ռասմուսենին:
«Դեռևս շատ վաղ է խոսել հստակ թվերի մասին, մանրամասները կմշակվեն գագաթնաժողովից հետո: Այդ հանդիպման ժամանակ որոշում կընդունվի ծրագրի մասին` որպես այդպիսին, կհստակեցվեն քաղաքական շրջանակները: Ստույգ թվերի մասին որոշումներ կընդունվեն հետո, այդ թվում զինվորականների հետ խորհրդակցությունների հիման վրա»,- հայտարարել է գլխավոր քարտուղարը:
Նա նաև չի կարողացել ասել, թե որքան օպերատիվ բազաներ կստեղծվեն արևելաեվրոպական երկրներում և Մերձբալթիկայում` անհրաժեշտ սարքավորումները տեղակայելու համար:
