«Սենդի» փոթորիկը, որը հոկտեմբերի վերջին անցել էր ԱՄՆ արևելյան ափերով, մեծ վնաս է հասցրել Ամերիկայի բնակիչներին, շատերին առանց տանիքի է թողել: Այդ պատճառով էլ աստղերը միահամուռ ուժերով փորձել են օգնել տուժածներին։ Նրանք երեկ բարեգործական համերգ էին կազմակերպել 12-12-12 մոգական ամսաթվի կապակցությամբ:
Այս բարեգործական միջոցառմանը, որն անցկացվել է Madison Square Garden-ում, մասնակցել են Ջոն Բոն Ջովին, Էրիկ Քլեփթոնը, Միկ Ջագերը, Բլեյք Լայվլին, Քրիստեն Սթյուարտը, Քեթի Հոլմսը և այլն:
Միայն տոմսերի վաճառքից հաջողվել է 30 միլիոն դոլար հավաքել, որը կփոխանցվի Robin Hood Relief Fund բարեգործական կազմակերպությանը:
