Քիմ Քարդաշյանին և Ռիտա Օրային մտերիմ ընկերուհիներ չես անվանի: Եթե հավատանք մամուլին, ապա հաղորդավարուհին այնքան չի սիրում երգչուհուն, որ նույնիսկ հրաժարվել է նրա կողքին նստել MTV Video Music Awards մրցանակաբաշխության ժամանակ:
Աստղերին մոտ կանգնած աղբյուրները պատմել են, որ 33-ամյա Քարդաշյանը համարում է, որ 27-ամյա Օրան խաբել է իր եղբայր Ռոբին:
«Մեզ պատմել են, որ Քիմը մտել է համերգասրահ և տեսել, որ պետք է նստի Օրայի մոտ: Սկանդալ չհրահրելով՝ նա խնդրել է պրոդյուսերներին իր համար այլ նստատեղ գտնել: Նա իրեն աստղի նման չի պահել, ուղղակի չի ցանկացել շփվել Ռիտայի հետ»,- հաղորդել է TMZ կայքը:
Արդյունքում Քարդաշյանին նստեցրել են քույրերի՝ Քենդելի և Քայլիի կողքին, իսկ Օրան շոուն դիտել է Գվեն Սթեֆանիի և դիզայներ Ջերեմի Սքոթի ընկերակցությամբ:
