Սուրինամի նախագահի որդին՝ Դինո Բոուտերսեն, որը հետաքննության տակ է ԱՄՆ-ում, ուրբաթ խոստովանել է լիբանանցի շիաների «Հըզբոլլահ» շարժմանը օգնություն ցույց տալու, թմրանյութերի առևտրի և զենքի անօրինական պահման մասին՝ հաղորդում է La Segunda պարբերականը։
Բոուտերսեն Պանամայում մեկ տարի առաջ թմրանյութերի առևտրի մասնակցության կասկածանքով ձերբակալվել է Վաշինգտոնի պահանջով և անմիջապես տեղափոխվել Միացյալ Նահանգներ։
Այժմ 41-ամյա Բոուտերսեին սպառնում է 15 տարվա բանտային կալանքից մինչև ցմահ բանտարկություն։ Քննչական մարմինները համարում են, որ 2013թ. Բոուտերսեն «Հըզբոլլահի» հետ կապված մարդկանց առաջարկել է մշտական բազա ստեղծել Սուրինամում, որպեսզի այնտեղից ծրագրվեն գրոհները ԱՄՆ օբյեկտների վրա։
