«Միկա քորփորեյշն» ընկերությանը պատկանող «Միկա» մարզահամալիրը տրվել է ՀՀ ֆինանսների նախարարությանը: Որոշման նախագիծն ընդունվել է կառավարության այսօրվա նիստում:
ՀՀ ֆինանսների փոխնախարար Պավել Սաֆարյանը այսօր կառավարության նիստից հետո անդրադարձավ Մարզահամերգային համալիրի՝ 9 միլիարդ գնահատվելուն: «Այս գույքով ամբողջ պարտքը չի մարվում, մի մասն է մարվում, քանի որ պարտքը ավելի մեծ է»,-հայտարարեց նա՝ անդրադառնալով «Արմավիայի» կուտակած պարտքին:
Հարկայինի միջոցով արձանագրվեցին պարտքերը, էլ ուրիշ ի՞նչ պետք է աներ կառավարությունը՝ զարմացավ Պավել Սաֆարյանը:
«Ի՞նչ է անելու Գագիկ Խաչատրյանի ղեկավարած կառույցը «Միկա» ընկերության հետ» հարցին Պավել Սաֆարյանը արձագանքեց. «Տարբեր պատկերացումներ կան, երբ տալիս են ֆինանսների նախարարությանը: Ցանկացած գույք, որը պետությունը վերցնում է, տրվում է ֆինանսների նախարարությանը»:
Ի՞նչ են անելու այդ գույքը: Պավել Սաֆարյանը նշեց, որ դեռ որոշված չէ՝ ինչ են անելու գույքի հետ:
Հարցին ի պատասխան՝ Միխայիլ Բաղդասարովի սնանկացումը կապվա՞ծ է արդյոք Սերժ Սարգսյանի մտերիմների բիզնես-հետաքրքրությունների հետ, փոխնախարարը նշեց, որ չունի նման տեղեկատվություն, իսկ Միխայիլ Բաղդասարովին ճանաչում է հեռուստացույցով:
«Հիմա եկել եմ այստեղ ասեմ՝ ովքե՞ր են իմ ծանոթները, ո՞ւմ եմ ճանաչում»,- ասաց Պավել Սաֆարյանը՝ հավելելով, որ շատ ձանձրալի հարցեր են իրեն տալիս:
Ավելին՝ տեսանյութում:
