Էստոնիայի նախագահի կինը՝ Էվելին Իլվեսը, ներողություն է խնդրել նրանցից, ում նա կարող էր «ցավ պատճառած լինել»: Այս մասին, ինչպես հաղորդում է Limon.ee-ն, նա գրել է Facebook-ի իր էջում:
«Ինձ համար ամենադժվար ժամանակաշրջաններից մեկն է: Խնդրում եմ, ներեք՝ ում ես ցավ եմ պատճառել»,- գրել է Էստոնիայի առաջին տիկինը:
Էվելին Իլվեսի գրառմանը հաջորդել է էստոնական Kroonika ամսագրում լուսանկարների հրապարակումը, որտեղ կինը համբուրվում է անհայտ երիտասարդի հետ (հաղորդվում է, որ դա նախագահի կինն է): Ամսագրի խմբագիր Քրիստ Լենսինը նույնպես հաստատել է, որ լուսանկարներում իրոք նախագահի կինն է:
Ինչպես հաղորդվում է, լուսանկարներն արվել են օգոստոսի 6-ին Komeet սրճարանում: Kroonika-ի տվյալներով՝ Էվելին Իլվեսը սրճարանում սեղան է պատվիրել: Ացելուները նկատել են, որ նախագահի կինը պարում է անծանոթ տղամարդու հետ: Ավելի ուշ նա իր ուղեկցի հետ լքել է սրճարանը:
Էստոնիայի նախագահն այդ առթիվ մեկնաբանություններ չի արել:
