Գազայի հատվածում ներկայիս զինված հակամարտության հետևանքով զոհվել է 469 երեխա, ևս 3 հազարն ստացել է վնասվածքներ, հայտնել է ՄԱԿ-ի Մանկական հիմնադրամը:
Կազմակերպության տվյալներով՝ վերջին 2 օրերին հակամարտությունը իսրայելական բանակի և պաղեստինցի զինյալների միջև առնվազն 10 անչափահասի կյանք է խլել:
«Վերջին տվյալով՝ Գազայում սպանվել է 469 երեխա: Մեր մասնագետներըմտավախություն ունեն, որ մոտ ժամանակներս այդ թիվը կարող է աճել»,- ՄԱԿ-ի կենտրոնակայանում մամլո ասուլիսին ասել է Գազայում ՅՈՒՆԻՍԵՖ-ի ներկայացուցչության ղեկավար Պերնիլլա Այրոնսայդը:
Նրա խոսքով՝ պաղեստինյան անկլավում «չի մնացել ոչ մի ընտանիք, որ չզգար մտերիմների կորստյան ցավը ու չզրկվեր տանիքից»:
ՅՈՒՆԻՍԵՖ-ի ներկայացուցիչը լուրջ մտավախություն է հայտնել Գազայի հատվածում երեխաների հոգեբանական վիճակի առնչությամբ:
Ինչպես հայտնել է Այրոնսայդը, 373 հազարին պահանջվում է «արագ հոգեբանական օգնություն»:
Նրա խոսքով՝ այսօրվա դրությամբ պաղեստինյան անկլավում աշխատում է ՅՈՒՆԻՍԵՖ-ի 50 մասնագետ, որոնք անհրաժեշտ խորհրդատվություններ են անցկացնում:
