Կարա Դելվինը անընդհատ դառնում է նորաձևության տների գովազդային ակցիաների հերոսուհին, բայց կինոյի ոլորտում էլ նրա հանդեպ հետաքրքրությունը փոքր չէ: Մոդելը հիմա նկարահանվում է Հյու Ջեքմանի և Գարրեթ Հեդլունդի մասնակցությամբ «Փեն» ֆիլմում: Կարայի հաջորդ աշխատանքը հնարավոր է դառնա երաժշտական ֆիլմը, որը հիմնված է լինելու The Beach Boys խմբի վրա:
Ինչպես հաղորդում է The Wrap կայքը՝ All Summer Long վերնագրով ֆիլմը նման կլինի Ամանդա Սեյֆրիդի մասնակցությամբ Mamma Mia ֆիլմին, որի հիմքում ABBA խմբի երգերն են եղել:
Ըստ լուրերի՝ ֆիլմում Դելվինը գլխավոր դերերից մեկն է ստանալու: Ի դեպ, նախագծով զբաղվում են Mamma Mia ֆիլմի պրոդյուսերները:
