Իրանի ռազմական նավատորմն առաջիկայում կհամալրվի նոր սուզանավերով և նավերով: Այս մասին գրում է ITAR-TASS-ը` վկայակոչելով Իրանի ռազմածովային ուժերի ծովակալ Սայարիին:
Նրա խոսքերով` պարսկական ազար ամսի առաջին 10 օրերին (սկսվում է նոյեմբերի 22-ից) Իրանի ռազմածովային նավատորմը կհամալրվի «գլխավոր»` Fateh սուզանավով, ավելի քան 40 մետր երկարությամբ: Արտասահմանյան փորձագետների կարծիքով, այն կարող է սուզվել 200-250 մետր խորությամբ: Լողալու հեռահարությունը կարող է կազմել 4 հազար ծովային մղոն:
Ըստ արտասահմանյան փորձագետների` «այս տեսակի նոր համեմատաբար ոչ մեծ սուզանավերը, որոնք Իրանն ինքնուրույն է արտադրում, նախատեսված չեն օվկիանոսներում արշավանքների համար, չեն կարող թաքուն տեղաշարժվել Պարսից և Օմանի ծոցերի ջրային տարածքներում, ինչպես նաև Օրմուզի նեղուցում` վերահսկողության տակ առնելով այդ շրջաններում ծովային կարևոր ճանապարհները»:
Ծովակալ Սայարին նաև հայտնել է, որ Իրանը սեփական ուժերով նաև էսմինեց դասի նավ կստեղծի:
