Իրանական PressTV հեռուստաալիքի փոխանցմամբ՝ Իրանի խորհրդարանը որոշում է ընդունել փոփոխություններ իրականացնել «Նախագահական ընտրությունների մասին» օրենքում: Այս մասին հայտարարել է իրանցի պատգամավոր Լալե Էֆթեհարին:
Վերջինիս խոսքերով՝ տվյալ ուղղումները կաջակցեն ՆԳՆ-ի կողմից իրականացվող ընտրական գործունեությանը: Պատգամավորը հավելել է, որ «Նախագահական ընտրությունների մասին» օրենքը կարիք ունի բարեփոխումների:
Նախորդ շաբաթ նախագահ Մահմուդ Ահմադինեժադը քննադատել էր պլանավորված ուղղումները՝ ընդգծելով, որ նախատեսվող ուղղումները նախադրյալներ կստեղծեն նախագահական ընտրությունների գործընթացին խորհրդարանի միջամտության համար:
Իրանում նախագահական ընտրությունները տեղի են ունենալու 2013 թվականի հունիսի 14-ին:
