«Ազատություն» ռադիոկայանը հաղորդում է, որ չինական Epoch Times պարբերականը օրերս մի հոդված է հրապարակել` քննարկելով վայրի կենդանիների թրաֆիքինգի միջոցով էբոլա վիրուսի տարածման վտանգները, և կենդանիների տեղափոխության երթուղիներում հիշատակվում է նաև Հայաստանը:
Վայրի կենդանիների ու բուսական աշխարհի եզակի նմուշների վաճառքի կոնվենցիայի քարտուղարության առաքելությունը 2011 թվականին Գվինեայում հետազոտել է այստեղ արձանագրված վայրի կենդանիների վաճառքի անսովոր ակտիվությունը:
Հետազոտության ընթացքում նաև պարզվել է, որ երկու բոնոբո կապիկ վաճառվել ու տեղափոխվել է Հայաստան:
Հետազոտողները դրանց հետքերով չեն գնացել, ըստ երևույթին՝ հաշվի առնելով վաճառքի թույլտվությունը, բայց անկախ փորձագետ, ֆոտոլրագրող Կարլ Ամանը հետաքրքրվել է կապիկների ճակատագրով: Աշխատելով հայ հետաքննող լրագրող Քրիստինե Աղալարյանի հետ, նրանք պարզել են, որ կապիկներից մեկը պահվում է Ձորաղբյուրում գտնվող «Ջամբո պարկ» մասնավոր այգում, իսկ մյուսը մահացել է, բայց պարզ չէ, թե ինչից: Չի ուսումնասիրվել՝ արդյոք կապիկը հիվա՞նդ էր, թե՞ ոչ:
Մանրամասները՝ «Ազատություն» ռադիոկայանի կայքէջում
