Սկարլետ Յոհանսոնի մասնակցությամբ ռեժիսոր Լյուկ Բեսոնի «Լյուսի» ֆիլմի պրեմիերան կայացել է հուլիսի 25-ին, գրում է Spletnik.ru-ն: Օրերս ֆրանսիացի ռեժիսորը հարցազրույցներից մեկում կիսվել է դերասանուհու աշխատանքի մասին իր կարծիքով.
«Սկարլետին դերը միանգամից դուր եկավ: Եվ նրա մեջ միանգամից հարյուրավոր հարցեր առաջացան: Նա ամուր ընկույզ է և աշխատասեր: Դրանից բացի, նա ստիպված չէ աշխատել տեսախցիկի համար, տեսախցիկը սիրում է նրան: Սկարլետը անհավանական ֆոտոգենիկ է: Կարող եք նկարահանել՝ ինչպես կուզեք: Դրանից բացի, դա նրան ընդհանրապես չի հուզում: Դա նրա համար բնական է»:
Ուղեղի լայն հնարավորությունների մասին ֆիլմի գաղափարը Բեսոնի մեջ ծագել է դեռ 10 տարի առաջ: Եվ վերջապես Յոհանսոնի շնորհիվ նա իրականացրել է այն:
Նշենք, որ Սկարլետին միանգամից մի քանի ուրախ իրադարձություններ են սպասվում՝ արդեն շուտով նա մայր կդառնա, իսկ, լուրերի համաձայն, նրա հարսանիքը այս ամիս է նշանակված:
