«Մամ ջան, ամեն ինչ նորմալ ա, լավ ա, լավ կլինի, հակառակորդը ոչինչ չի կարող անել, ուժեղ տղերք ենք մենք»,- «Առաջին լրատվական»-ի միջոցով իր մայրիկին այս խոսքերը փոխանցեց հյուսիսային հատվածում գտնվող զորամասերից մեկի երաժշտական դասակի զինծառայող Աղասի Մնացականյանը:
Աղասին նշեց, որ թեև իրենք երաժշտական դասակում են, բայց անհրաժեշտության դեպքում առաջին գիծ կգնան հայրենիքն ու իրենց ընտանիքը պաշտպանելու: Ի դեպ, զինծառայողը հրամանատարին միշտ խնդրում է, որպեսզի դիրքեր բարձրանա և տեսնի սահմանը պահող զինծառայողներին։
«Մեր տղերքը շատ պատրաստված են, խելացի, հաստատ հակառակորդը կրկնակի կորուստներ է ունենալու, մենք միասնական ենք լինելու»,- հավելեց Աղասը: Դասակի մյուս տղաները՝ Գառնիկ Հարութունյանը, Տիգրան Մարտիրոսյանը, Գրիգոր Գալումյանը ևս վստահեցնում էին, որ հայրենիքի պաշտպանությունը միասնական ճակատով է լինելու՝ անկախ մասնագիտությունից, դասակից ու նախասիրություններից։ «Հայ ժողովրդին ասում ենք՝ ամեն ինչ լավ է լինելու, հակառակորդը ոչինչ չի կարողանալու անել»,- եզրափակեց զինծառայող Գառնիկ Հարությունյանը:
Զինծառայողները «Առաջին լրատվական»-ի միջոցով հասարակությանը, իրենց և մնացած բոլոր զինծառայողների մայրերին նվիրեցին երաժշտական կատարումներ:
Առավել մանրամասն՝ տեսանյութում։
