ԳԱԼԱ-ի փոխանցմամբ՝ ԱԺ պատգամավոր, երգչուհի Շուշան Պետրոսյանը, ով վերջերս է վերադարձել Մարտակերտից, արտառոց չի համարում թշնամու կողմից հրադադարի խախտման բազմաթիվ դեպքերը, գոնե դրանք չեն ազդել մարտակերտցու ապրելակերպի վրա. «Քանի որ մարդիկ լիարժեք կյանքով ապրում են, լիարժեք օրով, աշխատանքով, ես գնացել էի իմ աշխատանքները շարունակելու, Մարտակերտի մշակույթի տան վերանորոգման աշխատանքները, ամեն ինչ նորմալ էր, այսինքն՝ այս վայնասունը ինձ համար անհասկանալի է, իհարկե հասկանում եմ պատասխանատվությունը, հասկանում եմ, որ կրկնվող գործողությունները անշուշտ մտածելու տեղիք են տալիս, բայց կասկածել մեր բանակի ուժի, հմտության վրա ուղղակի բոլորովին առիթ ու տեղ չկա, դրա համար ավելի լավ է իրենց ոգեղեն խոսքով ուժ տան մեր զինվորներին, ոչ թե թուլացնել կամքը սահմանը պահելու»:
ՊՆ հաղորդագրության համաձայն՝ օգոստոսի 4-5-ն ընկած ժամանակահատվածում հայ-ադրբեջանական պետական սահմանագոտում հրադադարի պահպանման ռեժիմը խախտվել է 45 անգամ, լսվել 600 կրակոց: Ըստ Շուշան Պետրոսյանի՝ դա նորություն չէ.
«Հունիս ամսին մի շաբաթվա մեջ 2004 անգամ խախտվել է հրադադարի ռեժիմը, դա անընդհատ է խախտվել, դա նորություն չի, պարզապես հիմա կոնկրետ վրա-վրա են մեծ կորուստները… գուցե նրանց համար 30-40 կորուստը մեծ բան չէ, մեզ համար և ինձ համար բոլորովին այլ է… յուրաքանչյուր զոհված զինվորի հետ ես մի քիչ մեռնում եմ, ինձ համար դա անձնական ողբերգություն է, որովհետև այն, ինչ ձեռք ենք բերել, մեր պատիվն է, մեր արժանապատվությունը՝ Արցախը, և շատ թանկ գնով ենք ձեռք բերել, և այդ արժեքը պետք է պահպանել»:
Ամբողջությամբ՝ ԳԱԼԱ-ում
