Վաշինգտոնն անհանգստություն է արտահայտել երկուշաբթի ռուսական ռազմաօդային ուժերի կողմից սկսված զորավարժությունների առնչությամբ: Այս մասին հայտարարել է Պետդեպի պաշտոնական ներկայացուցիչ Ջեն Պսակին՝ փոխանցում է RIA Novosti-ն:
«Մենք խորապես անհանգստացած ենք այս շաբաթ ուկրաինական սահմանի մոտ մասշտաբային օդային զորավարժություններ անցկացնելու Ռուսաստանի ծրագրերի առնչությամբ: Նման մանևրումները սադրիչ են և կտանեն միայն իրավիճակի սրման»,- նշել է նա:
Պսակին նաև կրկին հայտարարել է, որ Ռուսաստանը կարող է Ուկրաինայում անջատողականներին փոխանցել ավելի ծանր հրթիռային սարքավորումներ, սակայն հրաժարվել է լրագրողներին տրամադրել իր հայտարարությունը հաստատող նյութեր: «Երբ ունենանք ավելի շատ տեղեկություններ, որոնք կարելի կլինի հրապարակել, մենք դա կանենք»,- հայտարարել է Պետդեպի ներկայացուցիչը:
Հիշեցնենք՝ երկուշաբթի Ռուսաստանի ՊՆ մամլո ծառայությունը հայտնել էր Արևմտյան և Կենտրոնական շրջաններում ռուսական օդուժի ավելի քան 100 ինքնաթիռների մասնակցությամբ զորավարժությունների անցկացման մասին: Գերատեսչությունում նշել են, որ զորավարժություններն անցկացվում են համապատասխան անցած տարի հաստատված՝ 2014-ի մարտական պատրաստության ծրագրի:
