Հյուսթոնի ոստիկանությունը սեռական բնույթի հանցագործության համար ձերբակալել է մեկին այն բանից հետո, երբ Google ընկերությունը Gmail-ի նրա հաշվում հայտնաբերել է երեխաների ապօրինի լուսանկարներ՝ հաղորդում է Engadget-ը:
Google-ն արդեն վաղուց սքանավորում է պատկերները մանկական պոռնոգրաֆիայի դեմ պայքարի ընթացքում, բայց հիմա հայտնի է դարձել, որ այդ վերահսկողությունը տարածվում է նաև էլեկտրոնային փոստերի վրա՝ նշում է պարբերականը:
Հատկանշական է, որ ոչ մի այլ ապացույց չկա, որը կվկայեր իրավախախտի գործունեությանը: Նրա գործունեության մասին հայտնի է եղել միայն այն մարդկանց, ովքեր համացանցում շփվել են նրա հետ, և Google-ին: Մինչ այժմ հայտնի չէր, որ Google-ը էլեկտրոնային փոստերի ստուգում է իրականացնում, սակայն այդ լուրն անսպասելի չէր: Օգտատերերի հետ համաձայնագրում արդեն նշվում է, որ ընկերությունը ստուգում է էլեկտրոնային փոստի պարունակությունը:
