ԱՄՆ նախկին նախագահ Բիլ Քլինթոնը 2001 թվականին՝ 9/11-ի նախօրեին, ասել էր, որ կարող էր ոչնչացնել «Ալ-Քաիդայի» նախկին առաջնորդ Ուսամա բեն Լադենին՝ գրում է Politico պարբերականը:
Համապատասխան հայտարարությունը Քլինթոնն արել է 2001-ի սեպտեմբերի 10-ին՝ Ավստրալիայում գործարարների հետ ընթրիքի ժամանակ: Նախկին նախագահի խոսքով՝ ձայնագրությունը տարածել է Sky News-ի ավստրալական մասնաճյուղը: Ձայնագրությունը լրագրողներին է փոխանցել տեղի քաղաքական գործիչ Մայքլ Կրոգերը:
«Ես գրեթե հասել էի նրան: Եվ ես կարող էի սպանել նրան, սակայն դրա համար պետք է ոչնչացնեի Աֆղանստանի ոչ մեծ Կանդահար քաղաքն ու սպանեի 300 անմեղ կանանց ու երեխաների, այդ դեպքում ես կլինեի նրանից ոչ լավը»,- նրա խոսքերն է մեջբերում պարբերականը:
Նախկին նախագահի ներկայացուցիչները դեռևս չեն մեկնաբանում ԶԼՄ-ների հաղորդագրությունը:
Ինչպես նշում են ավստրալական ԶԼՄ-ները, ըստ ամենայնի՝ Քլինթոնը խոսել է 1998-ի դեկտեմբերին բեն Լադենի ոչնչացման հնարավորության մասին, երբ հետախուզական տվյալների օգնությամբ հաջողվել էր պարզել, որ նա գտնվում Կանդահարում:
