Դերասան Օռլանդո Բլումը և երգիչ Ջասթին Բիբերը Իբիցայի Cipriani ռեստորանում ծեծկռտուք են սարքել աղջկա պատճառով՝ հայտնում է Page Six պարբերականը: Հաղորդվում է, որ 20-ամյա Բիբերը կոպիտ է արտահայտվել Բլումի նախկին ընկերուհու՝ ավստրալացի սուպերմոդել Միրանդա Քերի հասցեին:
Պարբերականի տեղեկությամբ՝ հավաքվածները ողջունել են, երբ Բլումի հարվածը դիպել է Բիբերին: Միաժամանակ, Բիբերի ներկայացուցիչները հայտնել են, որ երգիչը չի պատրաստվել ծեծել դերասանին և ընդհանրապես թեք է հարվածել, մինչդեռ իսկական պատասխան է ստացել:
Հաղորդվում է, որ Բիբերի և Բլումի հարաբերությունները դժվար է համարել ընկերական. նրանց միջև հակասություններն առաջացել են այն ժամանակ, երբ 20-ամյա Բիբերին Victoria’s Secret-ի շոուից հետո տեսել են Քերի հետ սիրաբանելիս: Քերը Victoria’s Secret-ի ապրանքանիշը ներկայացնող մոդելներից՝ «հրեշտակներից» մեկն է:
