Մեծ Բրիտանիան կխստացնի ԵՄ անդամ այլ երկրների գործազուրկ քաղաքացիների՝ Թագավորությունում գտնվելու պայմանները: Այս մասին բրիտանական The Daily Telegraph թերթում հրապարակված հեղինակային հոդվածում հայտնել է Բրիտանիայի վարչապետ Դևիդ Քեմերոնը:
Նա նշել է, որ կրկնակի՝ մինչև 3 ամիս կրճատվում է այն ժամանակահատվածը, որի ընթացքում այդ խմբի մարդիկ կարող են գործազրկության և երեխաների նպաստներ ստանալ Մեծ Բրիտանիայի պետական սոցիալական ծրագրերով:
«Մենք էմիգրացիոն համակարգը կբարեփոխենք այնպես, որ առաջին տեղում հայտնվեն բրիտանացիները»,- նշել է նա: Վարչապետը հասկացրել է, որ այսուհետ օտարերկրացիների համար գործնականում անհնար կլինի Մեծ Բրիտանիայում քաղաքային բնակարան ստանալ:
Նա նաև նշել է, որ կառավարությունը խստորեն կպայքարի այն օտարերկրացիների դեմ, որոնք Միացյալ Թագավորությունում մնում են ուսանողական այցագրով, իսկ հետո անօրինական կերպով աշխատում են բրիտանական տնտեսության տարբեր ոլորտներում: «Եթե քոլեջի ընտրած ուսանողների 10%-ին մերժվի Մեծ Բրիտանիա մուտքի այցագիր տրամադրել, ապա տվյալ ուսումնական հաստատությունը կզրկվի արտոնագրից»,- նշել է Քեմերոնը:
Վարչապետը նաև նշել է, որ ընթացիկ տարվա նոյեմբերից երկրում կգործի համակարգ, որը բնակարանի վարձակալներին կպարտադրի ստուգել պոտենցիալ վարձակալողի էմիգրացիոն կարգավիճակը և նրա մոտ բրիտանական այցագրի առկայությունը:
