Պորտուգալիան, որին 78 միլիարդ եվրո ընդհանուր ծավալով ֆինանսական օգնություն են ցուցաբերում Արժույթի միջազգային հիմնադրամը և Եվրամիությունը, հերթական տրանշը կստանա հունվարին: Ինչպես հաղորդում է RIA Novosti-ն, նման հայտարարությամբ հանդես է եկել Եվրոխմբի ղեկավար Ժան Կլոդ Յունկերը:
Եվրոգոտու ֆինանսների նախարարների խորհրդի նիստի ավարտից հետո Յունկերը հայտարարել է, որ Պորտուգալիան հունվարին կստանա 2.5 միլիարդ եվրո:
Յունկերը նշել է, որ երկիրն ընդհանուր առմամբ լուծում է տնտեսական ծրագրի խնդիրները, որի դիմաց տրվում են վարկերի տրանշեր:
Եվրոխմբի ղեկավարը կարծում է, որ հաջող են ընթանում նաև Պորտուգալիան երկարաժամկետ և կարճաժամկետ փոխառությունների շուկա վերադարձնելու նախապատրաստությունները: Այնտեղ ներգրավված միջոցները պետք է ծածկեն երկրի ֆինանսական կարիքները մի մասը 2013 թ., ինչպես նախկինում հաշվարկել էին վարկատուները:
