Անցած տարին բավականին հարուստ էր նոր ավտոմեքենաներով: Forbes-ը կազմել է ամենատգեղ ավտոմեքենաների ցանկը։ Ընդ որում՝ ընտրությունը կատարվել է այն մեքենաների միջև, որոնք հասանելի են ԱՄՆ-ում:
Տարվա ամենատգեղ ավտոմեքենա է ճանաչվել հինգերորդ սերնդի Toyota Prius-ը, որը կարծես փչված պոլիէթիլենային տոպրակ լինի:
Երկրորդ տեղը զբաղեցրել է McLaren-P1 Concept-ը: Այս մեքենան ներկայացվել է Փարիզի ավտոսրահում, այն վաճառքի կհանվի 2013 թվականից:
Scion tC-ին, որը պետք է ստանար թուրինգ» և «կուպե» մրցանակները, ճանաչվեց ամենատգեղներից մեկը:
Մեկ այլ ճապոնական մեքենա՝ Scion iQ-ն, ևս դասվել է սրանց շարքին՝ իր խորանարդաձև շատ տգեղ տեսքի պատճառով։
Dodge Avenger-ն արժանացել է «անհարմար, կոպիտ ծանրաքաշ և տխուր» անվանումներին: Նույն որակումներն է ստացել նաև Dodge Charger-ը:
Mercedes-Benz SL550-ը նույնպես դուր չի եկել փորձագետներին: Այն պետք է ոճային լիներ, սակայն այնպիսի տեսք ունի, «կարծես սարքվել է հիդրավլիկ ճնշման տակ:
Smart ForTwo–ի մասին խոսելիս՝ մասնագետներն ասում են, որ կնախընտրեին ընդհանրապես չտեսնել այդ մեքենան:
Ցուցակի մեջ է ընդգրկվել նաև Chrysler 200 Convertible-ը, որի դիզայնը հեռու է էլեգանտ լինելուց:
Այս ամենի հետ մեկտեղ մասնագետները նշում են, որ հաճախ ավտոմեքենայի արտաքին տեսքը չի ազդում դրա վաճառքի ցուցանիշների վրա:
