Իսրայելի համալսարանի պրոֆեսոր Բար Իլան Մորդեխայ Քեդարը տեղական ռադիոկայաններից մեկի եթերում կոչ է արել բռնաբարել պաղեստինցի կանանց՝ դիմակայելու համար ՀԱՄԱՍ արմատական ծայրահեղական շարժման գրոհայիններին, հաղորդում է Haarez պարբերականը։
«Միակ բանը, որ կարող է կանգնեցնել անմեղ երեխաներին սպանող ահաբեկիչներին, իմանալն է, որ իրենց աղջիկը կամ մայրը բռնաբարվելու է»,- ասել է նա։
Քեդարի կարծիքով՝ դա «միակ գործոնն է, որը կարող է մահապարտ ահաբեկչին հետ պահել հանցագործություն կատարելուց և նրան ստիպի տուն վերադանալ»։
Իսրայելցի պրոֆեսորի արտահայտությունները առաջացրել են տեղի բնակչության անհավանության ալիքը, հաղորդում է The Jewish Daily Forward-ը։ Ակտիվիստները նամակ են ուղարկել համալսարանի ղեկավարությանը, որում խիստ քննադատել են Քեդարի ելույթը՝ անվանելով նրա խոսքերը «սադրանք»։
Համալսարանի ներկայացուցիչները, իրենց հերթին, հանդես են եկել դասախոսի պաշտպանությամբ՝ հայտարարելով, թե «Քեդարի խոսքերն ընդամենը դառն իրականության հնարավոր նկարագրություններից մեկն են և ոչ մի դեպքում չեն կոչում գործողության»։
