Լոնդոնի «Չելսի»-ի գլխավոր մարզիչ Ռաֆայել Բենիտեսը հուսով է, որ Չեմպիոնների Լիգայի գավաթի ընթացիկ խաղարկության խմբային փուլի վերջին խաղում Դոնեցկի «Շախտյոր»-ը սեփական հարկի տակ պարտության կմատնի «Յուվենթուս»-ին, ինչը «Նորդշելանդ»-ին հաղթելու դեպքում «արիստոկրատներ»-ին փլեյ-օֆֆի ուղեգիր կպարգևի.
«Գիտենք, որ այդ խաղում ոչ-ոքին ձեռնտու արդյունք չէ մեզ համար: Բայց «Շախտյոր»-ը բազմաթիվ հզոր ֆուտբոլիստներ ունի: Բոլորը խոսում են նրանց մասին, իսկ նրանք պետք է աշխարհին ապացուցեն, որ իսկապես ուժեղ ֆուտբոլիստներ են:
Վստահ եմ, որ «Յուվենթուս»-ի դեմ խաղում նրանց գլխավոր նպատակը լինելու է հաղթանակը: Թիմը կարող է նաև գրավել երկրորդ տեղը խմբում, բայց այդ դեպքում ավելի ուժեղ հակառակորդի կհանդիպի փլեյ-օֆֆում»,- հայտարարել է իսպանացի մասնագետը:
