Galatv.am-ը գրել է.
Ինչպես ավելի վաղ տեղեկացրել էինք, ի պաշտպանություն Մոսկվայում կալանավորված արցախահայ բարերար Լևոն Հայրապետյանի՝ մի քանի օրից՝ հուլիսի 31-ին, մայրաքաղաքում անցկացվելու է բողոքի ցույց:
«Ազատություն ազգային մեծ բարերարին» ֆեյսբուքյան էջի ղեկավար Արմեն Նալբանդյանը մեզ հետ զրույցում նշեց, թե նախատեսվում է բողոքի խաղաղ երթ անցկացնել, այն կմեկնարկի Ազատության հրապարակից, ու արցախահայ բարերարին ազատ արձակելու պահանջով՝երթի մասնակիցները կհասնեն ՀՀ-ում ՌԴ դեսպանատուն: Արձագանքները, ըստ Արմեն Նալբանդյանի, բավականին բուռն են, ՀՀ-ից ու Արցախից շատ քաղաքացիներ իրենց մասնակցությունը կունենան բողոքի երթին:
«Պահանջը համահայկական պահանջ է՝մեր հայրենակցի խափանման միջոցը փոխելու համար: Նա մեր արժանի հայրենակիցն է, արժանի զավակն է: Կարևոր ենք համարում ազգովի ոտքի կանգնելը»,-նշեց Արմեն Նալբանդյանը: Ըստ նրա՝ նախատեսվող ակցիաներն ի պաշտպանություն Լևոն Հայրապետյանի զուրկ են քաղաքական երանգներից. «Գտնում ենք, որ յուրաքանչյուր հայ իր հոգու պարտքը պետք է համարի իր արժանի եղբոր կողքը կանգնելու համար»:
«Ազատություն ազգային մեծ բարերարին» ֆեյսբուքյան էջի պատասխանատուն՝ Արմեն Նալբանդյանը, ասաց նաև, որ հունվարի 31-ին նախատեսված բողոքի երթի հիմնական պահանջը Լևոն Հայրապետյանի նկատմամբ ընտրված խափանման միջոցը փոխելն է, քանի որ նրա առոջական խնդիրները հատկապես վերջին օրերին սվել են, ուստի նրան շտապ ազատ արձակելու պահանջ է ներկայացվելու. «Լևոն Հայրապետյանի առողջական վիճակը լավ չի, և օր առաջ խափանման միջոցը փոխելը շատ կարևոր է:
