ԱԻՄ ղեկավար Պարույր Հայրիկյանն արդեն իսկ հայտարարել էգալիք նախագահական ընտրություններում իր թեկնածությունն առաջադրելու մտադրության մասին: Նա նաև ասել է, որ առաջադրվելու համար օրենքով նախատեսված անհրաժեշտ ընտրագրավը մուծելու, նախընտրական ծախսերը հոգալու համար դիմելու է ԱԻՄ-ի` լավագույնս իրականացրած հանգանակության մշակույթին։
«Առաջին լրատվական»-ի հարցին` եթե անհրաժեշտ գումարը չհավաքվի՞, ինչ է անելու, ԱԻՄ ղեկավարը պատասխանեց`անցյալում ԱԻՄ հիմնական աղբյուրը եղել է դրամահավաքը:
«Ես մի դեպք եմ հիշում, երբ Կալիֆոռնիայում բնակվող իմ բժիշկ ընկերոջից այդ նպատակով փոխարինաբար գումար խնդրեցի, իսկ դրամահավաքից գոյացող միջոցները հատկացրինք քարոզարշավին։ Եթե չեմ սխալվում`դա 1998-ի նախագահականին էր։ Ես գումարըստացա`որպես անձնական պարտք,ևընտրություններից հետո, ընտրագրավը ետ ստանալով, վերադարձրի ընկերոջս պարտքը։ Այս տարի մենք արդեն վերափորձարկել ենք դրամահավաքի մեր գործելակարգը։ Միայն փորձարկել ենք՝ ուղեկցելով գրականության ներկայացմամբ»,- ասաց Պարույր Հայրիկյանը՝ արձանագրելով, որքաղաքացիների ընկալումներում որոշ բաներփոխվել են։
Նրա համոզմամբ՝ նվազել է ծառային վճարելու պատրաստակամությունը և աճել երկրի կառավարման իրավունքը վաճառող ծառայի զգացողությունը, մարդկանց հիմնական մասը դրական է ընդունում«Դուք տերն եք և դուք վճարում եք, որ Ձեզ ծառայեն» մոտեցումը։ Պարույր Հայրիկյանը ուշագրավ համարեց Հայրիկյան հնարավոր թեկնածուի նկատմամբ բացասական վերաբերմունքի բացակայությունը։
Վերադառնալով հարցին`ընդգծեց, որ դրամ չհավաքելու երկու տարբերակ կա`մարդիկ,վստահության չարժանացնելով հավանական թեկնածուին, չեն աջակցում, կամ իրենք լավչեն կազմակերպում այդ աշխատանքը։
«Փորձով արդեն համոզվել ենք, որ Հայաստանում հեշտությամբ կարելի է գտնել 10 000 հոգու, ովքեր պատրաստ են իրենց նախընտրած թեկնածուին աջակցելու համար հատկացնել 500 դրամից 5 000 ևավելի գումար։ Մնում է ճիշտ կազմակերպել աշխատանքները։
Ես հավատացել եմ ևհավատում եմ ինքնորոշման սկզբունքին։ Մարդիկ առաջին քայլից իրենք պիտի որոշեն՝ արժանի՞ է Հայրիկյանը դառնալ իրենց առաջնորդը,և արժանի՞ են իրենք, որ իրենց անկախության պայքարի առաջնորդը նաևարդարության ու ազատության աշխատանքներում առաջնորդի իրենց։ Երբ մարդիկ կաշկանդված են եղել (կոմունիստական տարիներին` վախով, հիմա` և վախով,և դրամով), ես ինքնուրույն եմ գործել, բայց դա լավագույն ճանապարհը չէ։ Ուզում եմ ասել, որ բացառիկ իրավիճակի համար ես նաև պահուստային տարբերակ ունեմ, բայց դա հաջողության հասնելու առումով լավագույնը չէ»,- մանրամասնեց Պարույր Հայրիկյանը:
Ամփոփելով` Պ. Հայրիկյանն ասաց`անհրաժեշտ գումարը չհավաքելու դեպքում ոչ թեչիառաջադրվի, այլ պարզապես չի կարողանաառաջադրվել: Բայց այս տարբերակը բացառեց` ասելով, որչիառաջադրվի միայն այն դեպքում, երբ տեսնի ազգօգուտ ծրագրերն իրենիցլավկյանքի կոչելու ունակ անհատ ու թիմ։
