Գերմանիայի կանցլեր Անգելա Մերկելը այսօր հաստատել է Իսրայելին հատկացվող Գերմանիայի աջակցության մասին՝ հաղորդում է Reuters-ը: Նշենք, որ դա տեղի է ունեցել երկու օր անց այն բանից հետո, երբ ՄԱԿ-ը քվեարկություն է իրականացրել, որի արդյունքում Պաղեստինը ստացել է դիտորդ երկրի կարգավիճակ: Բեռլինըքվեարկությանը ձեռնպահ է մնացել: Իսրայելում հույս են ունեցել, որ Գերմանիան դեմ կքվեարկի ՄԱԿ-ում Պաղեստինի կարգավիճակը բարձրանալուն:
«Գերմանիան մշտապես աջակցելու է Իսրայելին անվտանգության հարցերում: Իսրայելը ոչ միայն իրավունք ունի պաշտպանելու իր քաղաքացիներին, այլև ուղղակի պարտավոր է»,- ասել է Մերկելը:
Նա նաև հաստատել է, որ Գերմանիան աջակցում է պաղեստինա-իսրայելական հակամարտության խաղաղ կարգավորմանը երկու անկախ պետությունների ստեղծման համատեքստում և կոչ է արել արագ վերսկսել բանակցային գործընթացը:
