Հուլիսի 22-ին իր առաջին ծննդյան օրը նշող արքայազն Ջորջը թանգարան է այցելել՝ գրում է Metro պորտալը: Այցը կայացել է այս ամիս ավելի վաղ, սակայն բնության պատմության լոնդոնյան թանգարան այցի պաշտոնական լուսանկարները հրապարակվում են միայն հիմա: Ջորջին ուղեկցել են ծնողները՝ Քեմբրիջի դուքսն ու դքսուհին:
Թագավորական ընտանիքն ուսումնասիրել է «Զարմանահրաշ թիթեռներ» ցուցադրությունը: Նշվում է, որ Ջորջը մեծ հետաքրքրությամբ ձգվել է դեպի ցուցանմուշները: Պաշտոնապես չի հաղորդվում՝ արքայազնին հաջողվե՞լ է իր հետ գոնե մեկ թիթեռ տանել: Թերթը վստահություն է հայտնում, որ առանց այդ էլ նա ծննդյան օրը բազմաթիվ նվերներ կստանա:
