Արքայազն Ուիլյամի կնոջ` դքսուհի Քեթրինի դպրոցը ավարտելուց շատ տարիներ են անցել, սակայն նա միշտ ջերմորեն է հիշում St. Andrew’s-ում անցկացրած օրերը: Նախօրեին նա պաշտոնական այցով, Սուրբ Էնդրյուի օրվա կապակցությամբ, եղել է դպրոցում:
Ելույթի ժամանակ Քեյթը նշել է, որ St. Andrew’s դպրոցից նա միայն երջանիկ հիշողություններ ունի:
Քեյթը մասնակցել է մասնավոր դպրոցի տարածքում հոկեյի դաշտի բացման արարողությանը և առաջինն է փորձարկել այն:
«Դեռևս դպրոցում սովորելու տարիներին ես հասկացել եմ, որ սիրում եմ սպորտը: Այն եղել է իմ կյանքի մի մասը, և ես շատ շնորհակալ եմ, որ հնարավորություն ընձեռվեց հոկեյ խաղալ այս հիանալի դաշտում: Ցավոք, իմ ժամանակ նման շքեղ բան չի եղել»,- ասել է Քեյթը:
