Malaysia Airlines ընկերության ինքնաթիռները թռչում են Սիրիայով և Իրաքով՝ Ուկրաինայի օդային տարածքը շրջանցելու համար, որտեղ կործանվել է այդ ավիափոխադրողի ինքնաթիռը: Այս մասին այսօր հայտնել է Flightradar24.com կայքի էջը, որն իրական ժամանակում հետևում է ինքնաթիռների տեղաշարժերին:
Կուալա Լամպուրից Լոնդոն մեկնող Airbus A380-ը կիրակի օրը, խուսափելով Ուկրաինայի օդային տարածքից, թռել է Սիրիայի Հոմս քաղաքի երկնքով: Այսօր նույն չվերթն իրականացվել է այլ ճանապարհով՝ Իրաքի օդային տարածքով:
Միաժամանակ, պորտալի ներկայացուցիչները պարզաբանել են, որ Իրաքի երկինքն անվտանգ է համարվում, մինչդեռ ԱՄՆ քաղաքացիական ավիացիայի դաշնային վարչությունը քաղաքացիական ինքնաթիռներին խորհուրդ չի տվել Սիրիայի երկնքով թռչել:
