Նավթ արտահանող երկրների կազմակերպությունը (Organization of the Petroleum Exporting Countries՝ OPEC) հրապարակել է ամենամյա վիճակագրական հաշվետվություն նավթագազային արտահանման դինամիկայի, ներկրման, արդյունահանման, պահուստների և այլ ցուցանիշների մասին՝ գրում է vestifinance.ru-ն:
Կազմակերպության տվյալներով՝ 2013թ., անցած տարվա համեմատ, գրանցվել է նավթարդյունահանման ծավալների 0.1% աճ: Նավթի համաշխարհային պահանջարկը աճել է 1.2%-ով: Ընդ որում, OPEC-ի երկրներում նավթի արդյունահանումը նվազել է 2.5%-ով: Համաշխարհային նավթարդյունաբերությունում OPEC-ի բաժինը 44.6%-ից հասել է 43.4%-ի:
Ընթացիկ 2014թ. մի շարք պատճառներով Լիբիայում, Իրաքում և Իրանում նավթի արդյունահանումը շարունակում է բավականին բարդ մնալ: Արդյունքում OPEC-ի բաժինը համաշխարհային շուկայում, ամենայն հավանականությամբ, կշարունակի նվազել:
