«Ուսուցողական իրադարձություն». այսպես է անվանում ՄԱԿ Գլխավոր ասամբլեայի արդյունքները Time պարբերականի վերլուծության հեղինակ Կարլ Վիկը:
«Պաղեստինի գրոհայինները Գազայի հատվածում Իսրայելի համար մարտի դաշտում քննություն կազմակերպեցին։ Հաջորդ շաբաթ քաղաքական գործիչները, որոնք կառավարում են Հորդանանի Արևմտյան ափը, գրեթե առանց մարտի կարևոր դիվանագիտական հաղթանակի հասան»,- ասում է հեղինակը: ՄԱԿ ԳԱ–ն Պաղեստինի ինքնավարությանը դիտորդ երկրի կարգավիճակ է շնորհել:
Ըստ փորձագետների՝ Պաղեստինն այժմ կարող է հայց ներկայացնել Իսրայելի դեմ «Միջազգային դատարանը, ինչպես վկայում է պատմությունը, հակված է Հորդանանի Արևմտյան ափին ավելի քան 100 իսրայելական վերաբնակեցված վայր որպես ռազմական հանցագործություն դիտարկել»,- ասվում է հոդվածում:
Պաղեստինն Իսրայելին սպառնում է դատարանով: Ինչպես գրում է պարբերականը, իսրայելա-պաղեստինյան հակամարտության յուրահատկությունն այն է, որ այստեղ կարևոր են ոչ թե գործողությունները, այլ ինչ-որ բան անելու սպառնալիքները։
Սեպտեմբերին Պաղեստինի ղեկավար Աբբասը հասկացրել էր, որ հայցի համար հիմք կարող են դառնալ Արևմտյան ափին վերաբնակեցվածների ագրեսիվ գործողությունները: Հինգշաբթի օրն Աբբասն Իսրայելին մեղադրել էր «ռազմական հանցագործություններ» կատարելու մեջ:
