Ընթացիկ տարվա հուլիսի վերջին CNN–ի նախագահ Ջիմ Ուիլթոնը, ով պաշտոնավարում էր 2003 թվականից, հայտարարել էր, որ հեռանալու է հեռուստաընկերությունից ս. թ. դեկտեմբերի 31-ին, իսկ հեռուստաընկերությունը հայտարարել էր որ անհապաղ կսկսի նոր ղեկավարի որոնումները:
CNN–ի պաշտոնական կայքի հրապարակման համաձայն՝ CNN–ը կգլխավորի մեկ այլ խոշոր հեռուստաընկերության` NBC Universal-ի ղեկավար Ջեֆ Ցուկերը:
Time Warner-ին պատկանող CNN հեռուստաընկերության հեղինակության նվազման հետևանքով նրա մրցակից Fox News-ը և MSNBC-ն լրատվական շուկայում ամրապնդել են իրենց դիրքերը: Վերջին 21 տարվա ընթացքում այս տարի СNN–ի դիտողականությունն ամենացածրն է եղել` անցյալ տարվա համեմատությամբ նվազելով 35 %-ով:
Ցուկերը փորձառու պրոդյուսեր է, ում վերագրվում է բազմաթիվ շոու ծրագրերի ստեղծումն ԱՄՆ տարածքում և նրա սահմաններից դուրս։
