Այսօր Ֆրանսիացի քաղաքական գործիչ, Ֆրանսիայի 22-րդ նախագահ Ժակ Ռենե Շիրակը նշում է իր 80-ամյակը:
Ժակ Շիրակը ծնվել է 1932թ. նոյեմբերի 29-ին Փարիզում, ուսուցիչների ընտանիքում: Ֆրանսիայի նախագահ է եղել 1995 թվականից մինչև 2007 թվականը։
Լիցեյում սովորելուց մի քանի ամիս անց աշխատել է տրանսպորտային նավի վրա, վիրավորվել Ալժիրի պատերազմի ժամանակ: Ապա որոշել է զբաղվել քաղաքականությամբ ու ընդունվել է քաղաքական հետազոտությունների ֆրանսիական հեղինակավոր ինստիտուտը: Առաջին քաղաքական պաշտոնը՝ Սենտ Ֆերոլի քաղաքապետարանի խորհրդատուի պաշտոնը, Շիրակը զբաղեցրել է 1962-ին:
Նա ակտիվ մասնակցություն է ունեցել Շառլ դե Գոլի ու Ժորժ Պոմպիդուի նախընտրական քարոզարշավին:
Պոմպիդուի ժամանակ Շիրակը նշանակվում է գյուղատնտեսության նախարար, իսկ հաջորդ նախագահի Ժիսկար դ՛Էստենեի ժամանակ՝ Ֆրանսիայի վարչապետ:
1988թ. նա իր թեկնածությունն է առաջադրում երկրի նախագահի պաշտոնում, սական պարտվում է Միտերանին: 1995թ. նրա այդ փորձը հաջողությամբ է ավարտվում ու 2002-ին նա վերընտրվում է երկրորդ ժամկետով:
Ընդհանուր առմամբ նա Ֆրանսիայի նախագահի պաշտոնում անցկացրել է 12 տարի ու ենթարկվել մեկ հարձակման: Վայր դնելով իր նախագահական լիազորությունները՝ նա դարձել է Ֆրանսիայի Սահմանադրական խորհրդի ցմահ անդամ:
Պաշտոնից հետանալուց հետո Շիրակը հայտարարել է սեփական Fondation Chirac ֆոնդի ստեղծման մասին, որը կոչված է նպաստելու շրջակա միջավայրի պահպանությանն ու աջակցել մշակութային ժառանգությանը:
Ժակ Շիրակն ամուսնացած է, ունի երկու դուստր:
