Versace-ն տղամարդկանց համար թողարկել է նոր բուրմունք՝ Eros, որը անցած հինգ տարիների ընթացքում առաջին նորույթն է: Գաղափարը պատկանում է Դոնաթելլա Վերսաչեին, ով որոշել է, որ բրենդին ևս մեկ հին սիմվոլ է անհրաժեշտ, և այն նոր տղամարդկանց օծանելիքը կդառնա:
Eros–ը սնվում է հին հունական առասպելներից և լի է կրքով ու ցանկություններով: Օծանելիքը ներառում է փայտի, թարմ և արևելյան նոտաներ, որը ստեղծել է Օրելյեն Գիշարը:
30 վայրկյան տևողությամբ հոլովակը ցուցադրում է քաջարի և էրոտիկ սիրո աստված Էրոսին՝ ցանկալի օծանելիքի որսի ժամանակ:
Գովազդի դեմքը Բրայան Շիմանսկին է, լուսանկարիչները՝ Mert & Marcus-ը: Գովազդային իմիջը Դոնաթելլայի մտահղացումն է: Նա ցանկանում էր, որ գովազդի հերոսը գլադիատոր լիներ, ով պայքարում և հաղթում է: «Սա բուրմունք է մի մարդու համար, ով ինքն իր տերն է: Նա հերոս է, նա պաշտպանում է իր գաղափարներն ու նպատակները»,- հայտարարել է Դոնաթելլան:
