Շվեյցարական UBS բանկի տեղեկություններով՝ Դուբայը 72 ամենաթանկ քաղաքների մեջ երրորդ տեղն է զբաղեցրել: Այն զիջում է Նյու Յորքին և Հոնկոնգին։ Այս մասին տեղեկացնում է արաբական Alnaddy հրատարակությունը:
Ուսումնասիրությունը կատարելիս UBS բանկը հիմնվել է այս քաղաքների 122 սպառողական կարողությունների համեմատության վրա, ինչպես նաև հաշվի է առնվել այդ երկրներում վարձավճարների աստիճանը:
Բանկի մասնագետները պարզել են, որ Դուբայը գների աճի մակարդակով 22-րդ տեղում է, Նյու Յորքը՝ 6-րդ, իսկ Հոնկոնգը՝ 32-րդ: Սպառողական հնարավորություններով առաջին տեղը զբաղեցնում է Շվեյցարիայի ֆինանսական մայրաքաղաք Ցյուրիխը, որտեղ միջին աշխատողին iPhone գնելու համար անհրաժեշտ է 22 ժամ աշխատել:
Ինչպես նաև սպառողական բարձր հնարավորություններով առանձնանում են Ժնևը, Կոպենհագենը: Կյանքի ցածր մակարդակով աչքի են ընկնում Դելին և Մումբաին:
