Грузия Online-ի փոխանցամբ՝ ամերիկյան The Washington Post թերթում հոդված է տպագրվել Վրաստանի մասին, որում նշված է հետևյալը. «Հոկտեմբերի 1-ին Վրաստանում տեղի ունեցած խորհրդարանական ընտրություններում ընդդիմադիր դաշինքի հաղթանակը և իշխող կուսակցության պարտության արագ ճանաչումը հետխորհրդային Եվրասիայում նշանավորեցին ժողովրդավարության հազվադեպ տրիումֆը:
Սակայն այդ իրադարձությունները նաև առաջացրին կարևոր հարց. Արդյո՞ք Վրաստանն ավտորիտար տարածաշրջանում կդառնա քաղաքական բազմակարծության օրինակ, արդյո՞ք նա չի ընթանա Ուկրաինայի ճանապարհով, ուր լիբերալ կառավարության պարտությունը հանգեցրեց նրան, որ նրա լիդերը հայտնվեց բանտում, և երկիրը ռուսական ոճով հետ գնաց ինքնակալության:
Դժբախտաբար, Բիձինա Իվանիշվիլիի գլխավորած ռեժիմը շատ շուտով տվեց դրա նախնական պատասխանը: Իշխանության գալուց մի քանի շաբաթ էլ չանցած՝ նոր կառավարությունը քրեական մեղադրանքներ ներկայացրեց նախկին վարչակազմի 20 բարձրաստիճան չինովնիկների դեմ:
Նախորդ շաբաթ վարչապետը հայտարարեց, որ հետաձգվում է իր առաջին պաշտոնական այցը ԱՄՆ, և դա լավ է: Վրաստանի նոր առաջնորդը չպետք է ողջունվի Վաշինգտոնում, քանի դեռ նա ազատազրկում է ընդդիմության առաջնորդներին ու ձգտում է մոնոպոլացնել իշխանությունը»:
