Ամերիկացի գիտնականները պարզել են, որ բուսակերների սեռական կյանքն ավելի ակտիվ և հագեցած է, քան մսակերներինը:
Աշխատանքի հեղինակ Մայքլ Վասերմանը (Կալիֆոռնիայի համալսարանից) ենթադրում է, որ դրա պատճառն այն է, որ բուսական ծագումով մթերքներն ազդում են ֆիտոէստրոգենների մակարդակի վրա:
Վասերմանը և նրա գործընկերները 11 ամսվա ընթացքում հետևել են մի խումբ կապիկների:
Պարզվել է, որ որքան հաճախ են կապիկները Millettia dura ծառի տերևները կերել, որոնք պարունակում են էստրոգեն հիշեցնող միակցությունը, այնքան բարձր է եղել նրանց օրգանիզմում էստրադիոլի (սեռական հորմոնի) և կորտիզոլի (սթրեսի հորմոնի) համակենտրոնացումը:
Հայտնի է, որ խոլեստերինը կարող է բարձրանալ այն մարդկանց մոտ, ովքեր շատ են օգտագործում միս, ձու և կաթնամթերք: Իսկ անոթների խցանումը և արյան հոսքի դանդաղումը դեպի սեռական օրգաններ սպառնում է ինտիմ ոլորտի խնդիրներով:
